د لویې څارنوالۍ سرپرست د هېواد د ملي امنیت شوار له مرستیال سره ولیدل
د افغانستان اسلامي جمهوري دولت د لویې څارنوالۍ سرپرست ذبیح الله کلیم د ۱۴۰۰ لمریز کال د غويي میاشتې پر دویمه د افغانستان د ملي امنیت شورا له مرستیال سرور احمدزي سره د څارنوالانو د امنیت د تأمین په اړه لیدنه وکړه.
د لويې څارنوالۍ سرپرست د څارنوالانو د امنیت د تأمین زیان منونکو سیمو، کاري دفاترو، د څارنوالانو د فزیکي امنیت د تأمین د څرنګوالي او د امنیتي تدابیرو، کاري سیمو او د څارنوالانو او د دغې ادارې د کارکوونکو د امنیت په اړه خبرې وکړې او پر امنیتي تدابیرو يې ټینګار وکړ.
د افغانستان ملي امنیت شوار مرستیال امنیتي تهدیداتو په اشارې، د عدلي او قضايي ادارو د کارکوونکو امنیت مهم وباله او د لویې څارنوالۍ د کارکوونکو د هر ډول امنیت ساتنې لپاره یې چمتوالی وښووه.
د یادونې وړ ده، چې د محافظتي قطعې تشکیل طرحه تر دې وړاندې د لويې څارنوالۍ د امنیتي کمېسیون له خوا ترتیب او د کورنیو چارو وزارت په همکارۍ طی مراحل شوې او ټاکل شوې چې عملي اقدامات يې پيل شي.
د افغانستان اسلامي جهموري دولت لویه څارنوالي د څارنوالانو د فعالیتونو د نظارت تر څنګ، د دوی کاري خوندیتوب هم خپل لومړیتوب ګڼلی او په دې برخه کې يې په لویه څارنوالي کې مسؤولانو او امنیتي او کشفي ارګانونو ته هدایت ورکړی دی.
