د لویې څارنوالۍ کارکوونکو په هېواد کې د ورستیو پېښو شهیدانو او روژې په مناسبت د قرانکریم ختم وکړ
په دغو مراسمو کې د لویې څارنوالۍ د عسکري مرستیالۍ سرپرست عبدالمبین رحیمي، د سرچینو او ادارې عمومي رئیس وحیدالدین ارغون، د بشري سرچینو د پراختیا عمومي رئيس محمد نواب احمدزي، د مقام ویاند او د ملي او فرهنګي چارو مشاور جمشېد رسولي او ځینو نورو رئیسانو او د دغې اداري ځینو کارمنو ګډون کړی و.
دا مراسم د ۱۴۰۰ لمریز کال د غويي میاشتې پر ۲۱ د لویې څارنوالۍ په دارالامان ودانۍ کې ترسره شول.
د دغو مراسمو ګډونوالو د هېواد په وروستیو پېښو کې د ټولو شهیدانو روح ته دعا وکړه او ټپیانو ته يې د خدای له درباره بېړنۍ روغتیا وغوښتله.
همداراز دوی د خلکو د خیر و فلاح او په هېواد کې د سرتاسري سولې د تأمین لپاره هم دعا وکړه.
