د لویې څارونوالۍ عالي شورا غونډه وشوه
د لویې څارنوالۍ عالي شورا غونډه د افغانستان اسلامي جمهوري دولت لوی څارنوال څارنپوه محمد فرید حمیدي په مشرۍ د ۱۳۹۷ کال د غویي پر ۳۰ ترسره شوه.
د غونډې په پيل کې د عالي شورا د تېرې غونډې د پرېکړو مسوده د غور او ارزونې په موخه واورول شوه.
د غونډې په دویمه برخه کې د لويې څارنوالي د پنځه کلن ستراتیژیک پلان په اړه بحث وشو.
عالي شورا پریکړه وکړه، چې د دغه ستراتیژیک پلان د هراړخیزې پیاوړتیا په موخه دې د لویې څارنوالۍ د مرستیالانو او رئیسانو په ګډون د کورنیو او بهرنیو جرمونو پر وړاندې د مبارزې ریاست، د اداري فساد له لویو جرمونو سره د مبارزې عدلي او قضایي مرکز او له نشه یي توکو او مسکراتو سره د مبارزې ځانکړې څارنوالۍ څخه یوه کمېټه مؤظفه شي.
د غونډې په پای کې د بېلابېلو استهدایو په اړه چې یادې شوې شورا ته وړاندې شوې وې، بحث وشو او په اړه یې اړین لارښوونې ورکړل شول.
