د نورستان د بندیانو نسبتي دوسیې بررسي شوې
د لویې څارنوالۍ د عالي مقام د هدایت پر اساس، د نورستان د زندان وضعیت او د بندیانو دوسيې د دغه ولایت د استیناف څارنوالۍ رئيس، عسکري او د کورني او بهرني امنیت جرایمو پر ضد د مبارزې څارنوالۍ رئیسانو له خوا له نژدې بررسي او له بندیانو سره خبرې وشوې.
د نورستان استیناف څارنوالۍ پلاوي د بندیانو د دوسیو او سوابقو تر کتنې وروسته وموندله، چې د ټولو بندیانو نسبتي دوسيې پر وخت رسیدګي شوې او په دې برخه کې ستونزه نشته.
نوموړو له بندیانو سره د زندان د ستونزو په تړاو هم خبرې وکړې او بندیانو وویل، چې د تغذيې، محیط، تعلیم او تربیې او په نورو برخو کې جدي ستونزه نشته او له مسؤولانو څخه يې د رضایت اظهار وکړ.
