د هېواد په ۳۴ ولایتونو کې د ۱۳۹۶ کال د سلواغې میاشتې د جرمي پېښو راپور
د لويې څارنوالۍ د عسکري چارو مرستیالۍ د راپور له مخې په تېره یوه میاشت کې (د ۱۳۹۶ کال د مرغومي له ۲۴ څخه د سلواغې تر۲۴ پورې) په دغه مرستیالۍ کې د هېواد په کچه یو زره او ۳۵۰ جرمي پېښې ثبت شوې دي. د یادو شویو پېښو له جملې څخه ۱۰۳ قضیې د وژنې، ۱۳۵ قضیې د وهلو ټکولو او ټپي کولو او ۱۶ نورې د انسان تښتونې قضیې دي.
په دغه پېښو کې یو زره او ۷۷۵ تنه د جګړو له امله وژل شوي او ۲۸۲ میله وسله هم ترلاسه شوي ده. د دغې مرستیالۍ د راپور له مخې ۴۶۵ قضیې د تعقیب وړ دی او ۸۸۵ نورې قضیې تر کشف لاندې دي.
د دغه راپور پر اساس، تر ټولو زیاتې جرمي پېښې په کابل کې او ورپسې په ننګرهار او هلمند ولایتونو کې پېښې شوې دي.
