د څارنوال مجلې او جریدې د کتنپلاوي غونډه وشوه
د څارنوال مجلې او جریدې د کتنپلاوي غونډه د روان کال د لړم پر لسمه په تعقیبي چارو کې د لوی څارنوال مرستیال ډاکټر غلام حیدر علامه په مشرۍ ترسره شو.
په نوموړې ناسته کې د څارنوال مجلې او جریدې په معیاري کولو او همداراز د لويې څارنوالۍ پر چاپي خپرونو بحث وشو.
نوموړ کتنپلاوي یادونه وکړه، چې د لویې څارنوالۍ چاپي خپرونې تر پخوا کره او معیاري شوي او موږ هڅه کوو، چې نوموړې چاپي خپرونې لا معیاري کړو.
د یادونې وړ ده، چې لویه څارنوالۍ به په نژدې راتلونکي کې «په امنیتي او دفاعي سکتور کې له اداري فساد سره د مبارزې ګډ کنفرانس» د ګډونوالانو د ویناوو او همداراز په نوموړي کنفرانس کې د فساد د له منځه وړلو په موخه د جوړو شویو کمېټو د نظریاتو ټولګه خپره کړي.
