د کابل استیناف څارنوالۍ ۳۶۶ قضیو ته د ۱۴۰۰ مالي کال په دویمې ربع کې رسېدنه کړې
د کابل استیناف څارنوالۍ۳۶۶ جرمي قضيې د تحقیق، صورت دعوا او اتهامنامو تر ترتیبب وروسته محکمو ته استولې دي.
په دغو قضیو کې د ۷۲ قضیو محاکماتي پړاوونه بشپړ شوي او تورن يې په بند او نقدي جزا محکوم شوي دي.
په دې ډله کې ۳۰۶ قضیې ابتداییه او استیناف محکمو ته لېږل شوې او ۷ قضیې د الزام د کافي دلایلو د نشتوالي له کبله حفظ شوې دي.
په یاد شویو قضیو کې ۲۶ قضيې د قتل، ۴۳ د غلا، ۴ د اخلاقي جرمونو، ۲۸ د نشه يي توکو، ۳۶ د ترافیکي جرمونو، ۵ د اداري فساد او نورو جرمونو په تړاو دي.
دغو قضیو ته د رسیدګۍ له درکه ۹۶۹ زره افغانۍ د دولت خزانې ته د نقدي جزا په توګه له تورنو راټولې او د دولت خزانې ته سپارل شوې دي.
همداراز ۱٫۱۲۴ کیلوګرامه تریاک، ۶٫۶۹۰ کیلوګرامه چرس، ۳۷ ک. ټابلېټ او ۳۰ بوتله الکولي مشروبات هم په بېلابېلو قضیو کې ضبط شوي دي.
په ورته وخت کې د دغه ریاست پنځه کارکوونکي هم د ظرفیت لوړاوي په موخه روزنیزو پروګرامونو ته معرفي شوي دي.
