لویه څارنوالۍ کې د قرآن عظیم الشان ختم وشو

د لویې څارنوالۍ د دارالامان په ودانۍ کې د کابل او ځینو نورو ولایتونو د وروستیو پېښو قربانیانو ته د دعا په موخه د قرآن عظیم الشان ختم وشو.

د قران عظیم الشان دا مراسم د لويې څارنوالۍ د مرستیالانو، رئيسانو او ځینو نورو کارکونکو په ګډون د ۱۳۹۶ کال د سلواغې پر لسمه ترسره شول.

د دغه ختم ګډونوالو شهیدانو ته د جنت، ټپیانو ته ژر تر ژره شفا او د شهیدانو کورنیو ته له خدایه د جمیل صبر غوښتنه وکړه.

له دې سره سم د کابل عسکرۍ څارنوالۍ ریاست هم په همدی مناسبت د قرآن عظیم الشان ختم وکړ.

دا په داسې حال کې ده، چې د هېواد جمهوري ریاست د وروستیو پېښو له امله د یک شنبې ورځ ملي ماتم او د دوشنبه ورځ یې په کابل کې عمومي رخصتي اعلان کړې وه.