لویې څارنوالۍ د سالمې ادارې د اساساتو روزنیز پروګرام پيل کړ
لویې څارنولۍ د دغې ادارې د کارکوونکو د ظرفیت لوړونې په موخه د سالمې ادارې د اساساتو تر نامه لاندې د ۱۳۹۶ کال د غبرګولي پر لسمه دوه ورځنی روزنیز پروګرام پيل کړ.
دا پروګرام د لویې څارنوالۍ د بشري سرچینو ریاست د ظرفیت لوړونې آمریت له لوري او د افغانستان د عدلي سکتور د ملاتړ پروګرام (JSSP) ادارې په مرسته پيل شوی او دوه ورځې به دوام وکړي.
د دغه پروګرام ښوونکي خان رحمان رحماني ګډونوالو ته په خطاب کې وویل، چې تاسې باید د دغه پروګرام تر پای ته رسولو وروسته په خپلو ادارو کې د پام وړ مثبت بدلونونه راولئ.
د یادونې وړ ده، چې په نوموړي روزنیز پروګرام کې د دغه ادارې کارکوونکو ته د سالمې ادارې د جوړونې په اړه بشپړه روزنه ورکول کېږي.
هېره دې نه وي، چې لویې څارنوالۍ تر دې مخکې هم د سالمې ادارې د اساساتو دا ډول دوه روزنیز پروګرامونه ترسره کړي دي.
