لویې څارنوالۍ د ۱۳۹۹ مالي کال په دوو ربعو کې د قضیو د تعقیب برخه کې ۴۱۲۹ قضیې ثبت او څېړلې دي
لویې څارنوالۍ د ۱۳۹۹ مالي کال په دوو ربعو کې د قضیو د تعقیب برخه کې ۴۱۲۹ قضیې ثبت او څېړلې دي
د افغانستان اسلامي جمهوري دولت لویې څارنوالۍ د ۱۳۹۹ مالي کال په دوو ربعو کې د دغې ادارې د قضیو د تعقیب چارو مرستیالۍ له خوا څلور زره او ۱۲۹ قضیې ثبت او څېړلې دي.
د دغو قضیو له ډلې ۱۸۷۰ یې د عمدي وژنې، ۱۵۱۳ یې د غلا، ۳۸۹ یې ترافیکي او ۳۵۷ نور یې د اخلاقي جرایمو اړوند دي.
د لویې څارنوالۍ د قضیو د تعقیب مرسیتالۍ د اجرااتو پر بنسټ، د یادو قضیو له ډلې ۹۸۶ قضیې نهایي، ۱۰۹۸ د محاکماتي مرحلو پرېکړو د قناعت وړ او ۴۱۷ نور یې بیا نقض او مسترد شوې دي.
همدارنګه د محکومینو او د هغو مدافع وکیلانو د محکمو پر ۹۹ پرېکړو يې د تجدید نظر غوښتنه کړې، چې له دې ډلې اته یې تایید، ۵۹ یې رد او ۱۶ نور یې مسترد شوې دي.
د محکمو د نهایي پرېکړو د تطبیق او څار له کبله ۱۴۷ پرېکړې د حکم د تطبیق په پایله کې ۱۰۵ یې پلي شوي او ۴۲ نور یې تر کار لاندې دي. همدارنګه د قضیو د تعقیب او د محکمو د احکام د تطبیق په موخه، نهه قراره د تورنو د نیونې او درې قراره د تورنو د مرور زمان مجازاتو په موخه استول شوې دي.
د قضیو د تعقیب چارو مرستیالۍ د اجرااتو په پایله کې، ۱۲ میلیونه او ۱۶۲ زره او ۲۵۹ افغانۍ او دوه زره او ۵۰۰ امریکایي ډالره په امانت توګه او ۴ میلیونه او ۷۳۷ زره او ۵۹۲ افغانۍ او درې زره او ۶۵۵ امریکايي ډالره د دولت د خزانې قطعي حساب ته لېږل شوې دي.
