لوی څارنوال د (DLA Piper) نړيوال حقوقي بنسټ غړیو سره لیدنه وکړه

د افغانستان لوی څارنوال محمد فرید حمیدي د (DLA Piper) حقوقي نړيوال بنسټ د غړیو سره د روان کال د تلې پر ۱۹ لیدنه کړه.

د افغانستان لوی څارنوال د نوموړي بنسټ له غړیو سره د څارنوالانو د ظرفیت لوړونې او ځینو نورو مهمو مسایلو په اړه خبرې وکړې.

د دغه نړیوال بنسټ غړیو د افغانستان د څارنوالانو د ظرفیت لوړونې په برخه کې د هرراز مرستې ژمنه وکړه. د یادونې وړ ده، چې یاد شوی بنسټ په بېلابېلو هېوادونو کې په حقوقي برخه اوږده تجربه لري.

د نوموړیو بنسټ غړیو وویل، چې د افغانستان د جزا نوي کوډ په اړه به د څارنوالانو د زده کړو په برخه کې د لویې څارنوالۍ د مسلکي زده کړو له انستیتوت سره د همکار په ډول پروګرامونه پيل کړي.

اوسمهال (DLA Dipper) نړیوال حقوقي بنسټ د نړۍ د معتبرو بنسټونو په کتار کې راځي او شاوخوا په ۴۰ هېوادونو کې فعالیت کوي.