په لویه څارنوالۍ کې د کمپیوټر لومړنیو زده کړو دری ورځنی روزنیز پروګرام ترسره شوو
" په لویه څارنوالۍ کې د کمپیوټر لومړنیو زده کړو دری ورځنی روزنیز پروګرام ترسره شوو
په لویه څاروالۍ کې د پاورپوینت زده کړې پروګرام د JSSP (افغانستان عدلي سکتور ملاتړ پروګرام) له خوا د دریو ورځو لپاره په لاره واچول شو. نوموړی پروګرام چې د لویې څارونوالۍ د اړتیا په نظر کې نیولو سره تر سره شو، په کې د بیلا بیلو ریاستونو کارکوونکو برخه اخیستې وه.
د لوې څارنوالۍ کتابتون عمومي مدیر وفي الله غفاري چې په دغه پروګرام کې برخه درلوده، د نوموړي پروګرام په اړه داسې وویل: "د کمپیوټر د پروګرامونو دغه زده کړې زمونږ د اداري کار کوونکو لپاره یوه اړتیا ده. داسې پروګرامونه کولی شي چې په ورځنیو چارو کې زموږ د همکارانو سره پوره مرسته وکړي."
نوموړي د JSSP ادارې څخه د مننې تر څنګ غوښتنه وکړه چې د لوې څارنوالۍ د کار کوونکو سره په دغه پروګارم کې لا زیاتو مرستو ته په راتلونکي کې هم دوام ورکړي.
په لویه څارنوالۍ کې د بشري منابعو ریاست غړی بنفشه انصاري چې د دغه پروګرام یوه بله ګډوانواله وه داسې وویل: " د دغه پروګرام زده کړه زمونږ په کاري کړنلارو باندې نیغ په نیغه مثبت تاثیر لري او د دغه پروګرام د لازیاتې زده کړې سره به زمونږه د کار کیفیت نور هم لوړ شي."
نبیلا سادات د دغه پروګرام بلې ګډونوالې د پاور پواینټ د زده کړې په اړه داسې وویل: " مونږه د دغه پروګرام د زده کړې سره کولی شو چې راپورونه او د سیمینارونو لپاره روزنیز مواد ترتیب کړو."
د JSSP ادره د امریکا د متحده ایالاتو د باندنیو چارو د وزارت لخوا تمویلیږي او د لوې څارنوالۍ سره یوه مهمه همکاره اداره ده. دغه اداره د څو کلنو را په دی خوا د لويې څارنوالۍ سره په بیلابیلو برخو کې په ځانګړی توګه د لویې څارنوالۍ د کارکوونکو د کچې لوړولو کې مرسته کوی.
"
