یو کس د اختلاس په تور په علني ډول محاکمه شو
د افغانستان د کرنې د پراختیا صندوق د محاسبې پخوانی مدیر عبدالخلیل قادري، د اداري فساد له لویو جرمونو سره د مبارزې عدلي او قضایي مرکز د ابتدایي محکمې له خوا د اختلاس په تور د ۱۳۹۷ کال د وري پر شپږمه په علني ډول محاکمه شو.
د مؤظف څارنوال د دعوې پر بنسټ، نوموړي تورن د افغانستان د کرنې د پراختیا صندوق۲۸ میلیونه او۵۶۰ زره افغانی د جعلي اسنادو له مخي د افغانستان له نړیوال پراختیایي بانک څخه را ایستې دي.
د دغه قضایي ناستې پلاوي، عبدالخلیل د جزا کود د ۱۷ مادې او د جزا قانون د ۲۶۸ او ۲۷۳ مادو پر بنسټ په پنځه کاله او یوه میاشت تنفیذي حبس محکوم کړ. د قضایي پلاوي د پرېکړې پر اساس، دغه تورن به د دولت خزانې ته ۲۸ میلونه او ۵۶۰ زره افغانۍ بېرته سپاري.
