یو کس د وسلې د ناقانونه ګرځونې په تور محاکمه شو
د اداري فساد له لویو جرمونو سره د مبارزې د عدلي او قضايي مرکز ابتدایي محکمې، د ډایکنډي د ټاکنو خپلواک کمېسیون پخوانی رئیس محمد قاسم د محمد آصف زوی د وسلې د ناقانونه ګرځونې په تور، د ۱۳۹۸ کال د غویي پر ۲۵ په علني ډول محاکمه کړ.
د دغه ناستې قضايي پلاوي، یاد تورن د وسلې د ناقانونه ګرځونې په تور د جزا کوډ د ۵۳۶ مادې له مخې، په ۳۲ زره افغانیو نقدي جزا محکوم کړ.
همداراز د دغې محکمې قضایي پلاوي، د جزا کوډ د ۵۴۵ مادې د هدایت پر بنسټ، له یاد تورن څخه د په لاس راغلې یو میل تفنګچې د مصادرې په اړه حکم ورکړ.
