یو کس د پيسو مینځلو په تور محاکمه شو
د اداري فساد له لویو جرمونو سره د مبارزې عدلي او قضایي مرکز ابتدایي محکمې، دیانا د عبدالودود لور د پیسو مینځلو په تور د ۱۳۹۸ کال د وري پر ۲۱ په علني ډول محاکمه کړه.
د دغې قضایي ناستې پلاوي، نوموړې ته په دغې قضیه کې د لازمو او کافي دلیلونو د نشتوالي له امله، د جزایي اجرااتو قانون د پنځمې مادې په رعایتولو د جزا کود د ۱۷، پنځمې او اوومې مادې لومړۍ فقرې له مخې برائت ورکړ.
د دغه قضایي ناستې رئیس وویل، چې د ۱۶۰ زره کاناډایي او ۶۰۰ امریکایي ډالرو او ۸۴ زره او ۵۵۰ یورو په اړه دې اړونده څانګې، د پېسو مینځلو او له جرمونو څخه په لاس راغلي عاید، د راپور ورکونې او د کنترول مقررې د احکامو او په سرحدي ګمرکونو کې د بې نومه اسعارو او د پېسو د لېږد اړوند جرمونو د مخنیوي قانون د اوومې مادې د څلورمې او پنځمې فقرې مطابق اجراات وشي.
