په لویه څارنوالی کې د دغې څارونوالی د شهیدانو یادغونډه جوړه شوه
په دغه غونډه کې د افغانستان لوی څارنوال څارنپوه محمد فرید حميدي، مرستیالانو، رییسانو او د دغې ادارې د شهیدانو د کورنیو غړو ګډون کړی و.
نوموړې غونډه د روان کال د تلې پر ۲۲ د لوېې څارنوالۍ د مسلکي زده کړو د انستیتیوت په تالار کې جوړه شوه.
لوی څارنوال څارنپوه محمد فرید حمیدي وویل، چې د شهیدانو د یادغونډې نمانځنه یوازې د دوی یادونه نه ده، بلکې زمونږ د احساساتو ښودنه هم کوي او همداراز موږ به د امنیت په راوستلو کې د دوی لاره غوره کړو.
نوموړي زیاته کړه، چې زه د داسې ټولنې غوښتونکی یم، چې هیڅوک پکې له قانون نه لوړ ونه اوسي.
د هېواد لوی څارنوال یادونه وکړه، چې په عدلي او قضايي کارکوونکو حمله ستر جنایت دی.
بل پلو د افغانستان لوی څارنوال د لوېې څارنوالۍ کارکونکي بې پرې وبلل زیاته يې کړه، چې د دې ادارې هدف د افغانستان خلکو ته خدمت دی.
په همدې حال کې محمد نقي تقي د شهیدانو د کورنۍ یو غړي په غونډه کې وویل، د افغانستان د خلکو دښمنان پوهېږي چې څارنوالان د افغانستان د خلکو دفاع کوونکي او ساتونکي دي نو دوښمنان هڅه کوي دوی ووژني.
په ورته مهال کې د لويې څارنوالۍ لخوا د شهیدو څارنوالانو معاشونه او امتیازات د هغوی کورنیو ته ورکړل شول.
