په عسکري چارو کې د لویې څارنوالۍ مرستیالۍ ۲۲۰۰ قضیې ثبت کړې او څېړلې دي
په عسکري چارو کې د لويې څارنوالۍ د مرسیتالۍ ورځنی راپور ښيي، چې دغې مرستیالۍ د ۱۳۹۷ کال په څلورمه ربع کې د هېواد په کچه دوه زره او ۲۰۰ قضیې ثبت کړې او څېړلې دي.
د یاد شوي راپور پر بنسټ، له دغو قضیو څخه یو زره او ۹۰ قضیې د تعقیب وړ او یو زره او ۱۱۰ نورې تر کشف لاندې دي.
په دغه راپور کې همداراز راغلې، چې د دغو قضیو اړوند، ۷۹۶ کسان وژل شوي او یو زره او ۳۲ نور ټپیان شوي دي.
په راپور کې د جرمونو وړاندې شوی تعداد ښيي، چې ډېری پېښې په کابل، ننګرهار، هرات او فراه کې شوې دي.
