مطبوعاتي خبرپاڼه
مطبوعاتي خبرپاڼه
د ۱۳۹۸ کال د غویي څلورمه
کابل ـ افغانستان
دجمهوري ریاست د عالی مقام د ساتونکو له خوا د ۱۳۹۸ کال د وري پر دویمه د یک تلویزیون د مسؤول مدیر ښاغلي عبدالله خنجاني د وهنې ډبونې موضوع، د جمهوري ریاست د عالي مقام د څار، څېړنې او پالیسۍ مرستیالۍ له خوا، د افغانستان د اسلامي جمهوري دولت لویې څارنوالۍ ته واستول شوه.
د افغانستان د اسلامي جمهوري دولت لویه څارنوالي ډاډ ورکوي، چې یاده قضیه به په عادلانه، خپلواکه او بې پرې توګه د قانون د احکامو په رڼا کې وڅېړي او د هغه شواهدو، اسنادو او مدرکونو پر بنسټ، چې د ټاکل شوي پلاوي لاس ته ورځي، د دوی د مسؤولیت او نامسؤولیت په اړه به قانوني پرېکړه وکړي او پایلې به یې د اطلاع رسونې قانون د احکامو پر رڼا کې له هېوادوالو سره شريکې کړي.
