یو کس له واک څخه د ناوړه ګټې اخېستنې په تور محاکمه شو
د اداري فساد له لویو جرمونو سره د مبارزې د عدلي او قضایي مرکز ابتدایي محکمې، د هرات پخوانی والي او د مشرانو جرګې غړی احمد یوسف نورستاني د احمد خان زوی، له واک څخه د ناوړه ګټې اخېستنې په تور د ۱۳۹۸ کال د غویي پر ۱۵ په علني ډول محاکمه کړ.
د دغه ناستې قضایي پلاوي، احمد یوسف نورستاني له واک څخه د ناوړه ګټې اخېستنې په تور، د جزایي اجرااتو قانون د ۲۳۷ مادې لومړۍ فقرې په رعایتولو د جزا کود د ۱۷، ۳۹۶ او ۳۹۸ مادې له مخې، په یو کال او یوه میاشت تنفیذي بند او یو میلیون افغانیو په سپارنه محکوم او مجازات کړ.
