اطلاعاتو ته د لاسرسي کمېسیون ارزونه؛ لویه څارنوالي د افغانستان یوه غوره اداره
اطلاعاتو ته د لاسرسي کمېسیون ارزونه؛ لویه څارنوالي د افغانستان یوه غوره اداره
اطلاعاتو ته د لاسرسي کمېسیون د کلنۍ ارزونې پر اساس، اطلاعاتو ته د لاسرسي قانون د ۱۵ مادې د تطبیق له مخې لویه څارنوالي د هېواد په غورو ادارو کې راغلې ده. لویې څارنوالۍ په دې ارزونه کې له ۱۰۰ امیتازو څخه ۹۶٫۸ امتیازه ګټلي دي.
اطلاعاتو ته د لاسرسي کمېسیون د هېواد د ۴۴ ادارو وېبسایټونه د ۴۴ شاخصونو له مخې ارزولي. دا ارزونه اطلاعاتو ته د لاسرسي قانون د ۱۵ مادې د منځپانګې د تطبیق له مخې شوې ده. د دغې ارزونې له مخې کومو ادارو چې دا ماده تر ۸۰ سلنې زیاته پلې کړې وي، د غوره ادارو په توګه پېژندل شوې دي.
په دې ارزونه کې د لويې څارنوالۍ په تړاو راغلي: «د لویې څارنوالۍ وېبسایټ ښه او منظم جوړ او اطلاعات يې اطلاعاتو ته د لاسرسي قانون د ۱۵ مادې له شاخصونو سره سم خپاره کړي دي.»
د لويې څارنوالۍ د رسنیو د مسؤولانو په باور، اطلاعاتو ته لاسرسی، په ځانګړې توګه اطلاعاتو ته د لاسرسي قانون د ۱۵ مادې تطبیق د اجرااتو د حساب ورکولو او روڼتیا په برخه کې یو مهم ګام دی. د دغه قانون تطبیق او پر وخت د اطلاعاتو خپرول له یوې خوا غوښتنوالو ته ژر معلومات وررسول کېږي، له بلې خوا د مالي لګښت او د وخت د ضایع کېدو مخنیوی کوي.
دا په داسې حال کې ده، چې لویې څارنوالۍ د دغه کمېسون په پروسږنۍ ارزونه کې هم د غوره ادارو په کتار کې راغلې وه
