د کابل شمال ختیځ زون استیناف څارنوالۍ د ۱۴۰۰ مالي کال په لومړۍ ربع کې ۹۹ قضیو ته رسیدګي کړې
د کابل شمال ختیځ زون استیناف څارنوالۍ ۹۹ جرمي قضيې تر ثبت، ارزونې او د تحقیق او اتهامنامو تر بشپړولو وروسته اړوند محکمو ته لېږلې دي.
د دغو قضیو له شمېره ۷۰ قضيې ابتداییه او استیناف محکمو ته لېږل شوې دي او ۳ مورده هم د کافي دلایلو د نشتوالي له کبله حفظ او پاتې نورې د دغې څارنوالۍ تر کار لاندې دي.
له دې ډلې د ۴۹ قضیو محاکماتي پړاوونه بشپړ شوي او تورن يې په نقدي جزا او حبس محکوم شوي دي.
د یادو شویو قضیو له شمېره، پنځه قضيې د قتل، ۲۷ د غلا، ۳ د اخلاقي جرایمو، ۱۳ د نشه يي توکو، ۱۱ د ترافیکي جرایمو، ۱۳ د اداري فساد جرمونو او همداراز ۲۷ قضيې د نورو جرایمو په تړاو دي.
یادو شویو قضیو ته د رسیدګۍ له کبله یو میلیون او ۵۸۱ زره افغانۍ نقدي جریمه د دغه ریاست له خوا تثبیت چې ۸۶۹ زره افغانۍ په امانت ډول او ۷۱۲ زره افغانۍ د دولت قطعي حساب ته لېږل شوې ده.
همداراز ۱۶۴ ګرامه هیرویین، ۳۰۰ ګرامه تریاک، څه باندې یو کیلوګرام چرس او تر ۱۷۰ لیتر ایتانول او تخمیر شويو ممیزو زیات د دغو قضیو د رسیدګي په پایله کې ضبط شوي دي.
