د قضیو د ثبت مدیریت سیسټم درې ورځنی روزنیز پروګرام زده کړندویانو ته ترسره شو
دا روزنیز پروګرام د لویې څارنوالۍ د مسلکي زده کړو ریاست او د قضیو د ثبت د مدیریت سیسټم د ریاست له خوا د افغانستان عدلي سکتور د ملاتړ پروګرام (JSSP) په همکارۍ د ۱۴۰۰ لمریز کال د غبرګولي پر څلورمه ترسره شو.
دا پروګرام د لویې څارنوالۍ، سترې محکمې او عدليې وزارت د قضیو د ثبت سیسټم تخنیکي همکارانو ته ترسره شوی دی.
دا پروګرام په یاده شوې برخه کې د کارکوونکو ظرفیت لوړاوي او نور کارکوونکو ته د تکړه ګډونوالو د انتخابولو په موخه پيل شوی و.
د لویې څارنوالۍ د قضیو د ثبت مدیریت سیسټم رئیسې نګینه خلیل غوري، د عدلي او قضايي بنسټونو کارکوونکو ته د داسې پروګرامونو ترسراوی اړین وباله او زیاته یې کړه: «د داسې برنامو ترسراوی په مسؤولیت منلو او له JSSP څخه د هېواد عدلي او قضايي سکتور ته د قضیو د ثبت مدیریت سیسټم په رااړولو کې مرسته کوي.»
د اغلې غوري په وینا، په دې برنامې سره به د کارکوونکو ظرفیت لوړ او له دغه سیسټم څخه به ښه استفاده وشي.
نوموړې د عدلي او قضايي بنسټونو ترمنځ ګډ روزنیز پروګرامونه هم مهم وبلل او ويې ویل، داسې پروګرامونه د کره اطلاعاتو په راټولولو او له دغه سیسټم څخه په ښه استفاده کې مرستندوی دي.
د یادونې وړ ده، چې د یاد شوي روزنیز پروګرام ګډونوال به تر دې وروسته د قضیو د ثبت مدیریت سیسټم په برخه کې د عدلي او قضايي بنسټونو نور کارکوونکي روزي.
