د څرخي پله زندان د بندیانو دوسیې بررسي شوې
د لویې څارنوالۍ د احکامو د تنفیذ رئیس محمد هاشم ستانکزي په مشرۍ یوه پلاوي، د ۱۴۰۰ لمریز کال د چنګاښ پر اتمه د څرخي پله د بندیانو لیدنه وکړه او د هغوی دوسیې یې بررسي کړې. دغه پلاوي د ۲۵۰ بندیانو دوسيې چې د زندانونو د چارو تنظیم ادارې له خوا یې نوملړ له دغې ادارې سره شریک شوی و، بررسي کړې دي.
د یاد شوي پلاوي د موندنو پر اساس، په ځینو دوسیو کې د رد مال، محکوم بها او تمیز غوښتنې په برخو کې ستونزې شته. دا پلاوی وايي، د توقیف شویو دوسیې په تعقیب او محاکماتي پړاوونو کې دي.
دغه پلاوي د څرخي پله زندان د بندیانو د دوسیو د ارزولو لپاره اووه کمېټې تشکیل کړې، چې د دغو ۲۵۰ بندیانو دوسیې وارزوي او ستونزو ته یې قانوني رسېدنه وکړي.
