د نړیوالو جرمونو د کشفي او نیولو قرارونه په جدي توګه تعقیب کېږي
په همدې موخه یوه غونډه د لویې څارنوالۍ د کورني او بهرني امنیت پر ضد د مبارزې څارنوالۍ عمومي رئيس شمس الله احمدزي، د نړیوالو جرمونو پر ضد د مبارزې څارنوالۍ رئیس محمد داوود افضلي او د کورنیو چارو وزارت د عسکري استیناف څارنوالۍ رئيس عبدالولي مزاروال په حضور د ۱۴۰۰ لمریز کال د چنګاښ پر ۲۱ وشوه.
په دې غونډه کې د اړوندو بنسټونو ترمنځ پر ښې همغږۍ، منصفانه، رڼو، مسؤولانه، خپلواکو او مسلکي عدلي خدماتو ټینګار وشو. د نړیوالو جرمونو پر وړاندې د ننګونو او د دغو ننګونو د حل په برخه کې له کشفي ارګانونو سره همغږي او ښه روابط نور هغه موارد دي، چې په یاده شوې غونډه کې ټینګار پرې شوی دی.
په دې غونډه کې پرېکړه وشوه، چې د کشفي او نیولو د قرارونو د تطبیق په برخه کې به چې د نړیوالو جرمونو پر ضد د مبارزې څارنوالۍ ریاست له خوا کشفي مراجعو ته لېږل کېږي، د کورني او بهرني امنیت پر ضد د مبارزې عمومي څارنوالي او د کورنیو چارو وزارت عسکري څارنوالي د ملي امنیت ریاست او کورنیو چارو وزارت له مسؤولانو سره لازمه همغږي او همکاري ولري.
