د لويې څارنوالۍ کارکوونکو د شرعي درسونو په ازموینه کې ګډون وکړ
د لویې څارنوالۍ دعوت او ارشاد ریاست د تدریس شوي نصاب له مخې د شرعي مسایلو د درسونو ازموینه د دغې ادارې له کارکوونکو واخیستله.
دا ازموینه نن دوشنبه د ۱۴۴۴ هجري قمري کال د جمادي الثاني پر ۲۳ د لويې څارنوالۍ په دارالامان ودانۍ کې واخیستل شوه.
دا ازموینه د لویې څارنوالۍ د دعوت او ارشاد د رییس مولوي صلاح الدین حقاني په حضور اخیستل شوې ده.
د دې ازموینې موخه د لويې څارنوالۍ د کارکوونکو د دیني او علمي سویې ثبیت ښوول شوی دی.
د لویې څارنوالۍ د دعوت او ارشاد رییس مولوي صلاح الدین حقاني د دې ازموینې پر مهال وویل، چې دا ازموینه د شرعي مسایلو په اړه د کارکوونکو د سویې د تثبیت لپاره اخیستل شوې ده. د هغه په وینا، دا ریاست هڅه کوي، چې د بېلابېلو دیني او شرعي پروګرامونو په پیلولو سره د دغې ادارې د کارکوونکو د دیني او شرعي مسایلو په هکله ظرفیت لوړ کړي.
