د لویې څارنوالۍ د عالي شورا غوڼده د لوی څارنوال په مشرۍ جوړه شوه
د افغانستان اسلامی جمهوریت لوي څاروال څارنپوه محمد فرید حمیدي په مشرۍ نن ماپښين د لویې څارنوالۍ د عالي شورا غوڼده جوړه شوه.
په دغه غونډه کې د (۱۰۱) اسمايي زون د جنايي جرمونو سره د مبارزې رئیس او د فساد پر وړاندې د مبارزې مدیر په کابل کي د تښتونو (اختطاف) ، وژنو ، د کورنو تلاشۍ ،رشوت اخیستنې او حقوقي مسایلو په اړه راپور وړاندې کړ.
د لویې څارنوالۍ عالي شورا د دغو مسایلو تر هر اړخیزې ارزونې وروسته ، مسوولینو ته لازمې لارښوونې وکړې او پرېکړه وشوه چې د لویې څارنوالۍ ،کورنیو چارو وزارت او د ملي امنیت عمومي ریاست تر مینځ یو ګډ کمیسیون جوړ شي ترڅو ننګوني تشخیص او حل لارې ورته ولټول شي او د وروستۍ پرېکړې لپاره د عالي شورا ته وړاندې شي.
د لویې څارنوالۍ عالي شورا د اداري فساد او وظیفوي جرمونو د څارنوالۍ پر هغه وړاندیز هم بحث وکړ چي د څارنوالۍ د کورنیو او بهرنيو جرمونو د امنیت ریاست یو تن څارنوال د د یوه بندي د تښتولو په تور تورن وو اوهمداراز د مرکزي نظامي زون د استیناف محکمې ددغه وړاندیز پر اساس پرېکړه کړې چې نوموړی شخص دې د عدلي او قضایي تعقیب لاندې ونیول شي او د تفتیش ریاست ته دنده وسپارل شوه چي پېښه په هر اړخیز ډول وڅېړي او عالي شورا ته یې راپور وړاندې کړي.
په پای کي د لویې څارنوالۍ د څارنې او ازادۍ د محرومیت کمېټې د ماشومانو د توقیف ځایونو پر بدیل بحث وکړ او دغه کمېټې پر هغه تفاهم لیک کره کتنه وکړه ،کوم چي د لویې څارنوالۍ ،ستري محکمې ، د کار او ټولنیزو چارو وزارت ، عدلې وزارت ، کورنیو چارو وزارت او د ماشومان او نویو ځوانانو ټولنیزې مؤسیسې (رفاه) د ترمنځ لاسلیک شوی وو.
پدې اړه پرېکړه وشوه چې د کار او ټولنیزو چارو وزارت ته شفاهي وویل شي چي لویه څارنوالي د خلکو د حقونو او په ځانګړي ډول د ماشومانو د حقونو څخه ملاتړ کوي او دغه اداره به د احکامو د پلي کولو او د ماشومانو د روزنې د مرکزونو څخه دوامداره څارنه کوي.
"
