د ربړول پر وړاندي مخنیوي کمیټې لومړنۍ ناسته د ملي او نړیوالو استازو په ګډون ترسره شوه
دغه ناسته د جبران مدثر، د افغانستان لوی څارنوالۍ د تفتیش او د شکنجې مخنیوي کمیټې رئیس، په افغانستان کې د سره صلیب کمیټې استازي، د یوناما، عدلیې وزارت، د خلاصې مدني ټولنې استازو، د پوهنتون استادانو او څارنوالانو په ګډون د کب په ۲۴ نیټه د افغانستان لوی څارنوالۍ تفتیش ریاست په مقر کې ترسره شوه.
پدغه ناسته کې ښاغلي جبران مدثر، د دي کمیټې رئیس د شکنجې مخنیوي کمیټې موخو، دوام او ثبات په هکله خبرې وکړې او وویل: "موږ به له هغو ټولو ستونزو سره جدی مبارزه وکړو چې د دي کمیټې کړنو پر مخ خنډ وګرځي او خپلې دندې به په لا ښه توګه او په بشپړ جدیت پر مخ یوسو."
په غونډه کې ناست ملی او نړیوالو استازو هم د یادې کمیټې کاری پروسې ودې او ښه والي په هکله خپل نظرونه او وړاندیزونه وړاندې کړل. همداراز، هغو زیاته کړه چې د شکنجې عاملین دې باید هغه کس ته چې شکنجه شوی، د خسارې جبران ورکړي.
همداراز، د غونډې ګډونوال سره صلیب استازي وویل: "سره صلیب به د ناظر په توګه د کمیټې غړو سره د هغه ځایونو څارنې پر مهال چې ترې ارزونه او بیالیدنه ترسره کیږي، مرسته وکړي."
دا پداسې حال کې ده چې د دې کمیټې له جوړیدو راپدې خوا، دایمي غړي یې د افغانستان اسلامي جمهوریت لوی څارنوال له لوري ټاکل شوي دي.
