د جرم رامنځته کیدو د مخنیوې په برخه کې عامه پوهاوې کړنلاره د مهمو موخو څخه ده
هغه مسله چې د اطلاعاتو او عامه اړیکو ریاست، د تاوتریخوالي څخه مخنیوی ځانګړی څارنوالۍ، د اداری فساد سره مبارزه، د مسکرات او مخدره موادو سره مبارزه، کنترول او مراقبت، د ستره محکمی عمومی جزا ریاستونو او د جی اس اس پی نماینده سره په یوه مشترک غونډه کې مطرح شو.
دا غونډه نن سه شنبه د وری (حمل) اتمه نیته د اطلاعاتو او عامه اړیکو ریاست له خوا ترسره شوه. ددې غوندی اساسی موخه، د موثرعامه پوهاوی برنامو همآهنګی او ترسره کول دی.
د اطلاعاتو او عامه اړیکو رییس پوهیالی شاه محمد خپلواک د ښځو پر وړاندی تاوتریخوالی، مخدره توکو او اداری فساد سره مبارزه د لویې څارنوالۍ د کاری لومړیتوبونو څخه وګنل. د خپلواک په باور د عامه پوهاوی برنامو کولای شی د دې پدیدو د مبارزې سره یوه مثبت اغیزې ولری. هغه اضافه کړه چې زمونږ هدف د جرمونو د ګراف ټیټول دی. او د خلکو د پوهی کچه د عامه پوهاوی برنامو له طریقه جیګول کولای شی مونږ سره مرسته وکړی ترڅو خپلو موخو ته ورسیږو.
عبدالاحد چې د ښځو پر وړاندی تاوریخوالی څخه مخنیوی ځانګړې ریاست په نمایندګي په دې غونډه کې ګدون کړی وو وویل: "د کورنیو د پوهی کچه له تاوتریخوالی قضیو د ګراف سره مستقیم اغیز لری. هغه کورنۍ چې زده کړه کړی کسان په کې موجود دی د تاوتریخوالی ګراف په کې کم دی.
د هغه په باور، د ښځو پر وړاندی تاوتریخوالی څخه مخنیوی ځانګړی ریاست په منځ کې د یو مشوره ورکوونکی مرکز تاسیس کولای شی د تاوتریخوالی په کمولو کې مرسته وکړی. په ځینی تاوتریخوالی قضیو کې مدعی سړی د تحقیق او یا هم د محکمې په جریان کې د خپل دعوی نه منصرف کیږی. دا مرکز کولای شی د کورنیو د شخړو او د وخت د ضایع کیدو څخه مخنیوی وکړی.
د ملا امامان له طریقه څخه آګاهی ورکول یو له هغه لارې څخه و چې د ښځو پر وړاندی د تاوتریخوالی د کمولو لپاره پشنهاد شو. د عبدالاحد د ستري محکمې عمومی جزا ریاست نماینده په وینا له ملا امامان له طریقه د ښځو د مقام او حیثیت په اسلامی شریعت ښکاره کول کولای شی د ښځو پر وړاندی د تاوتریخوالی د کمولو سره موثر واقع شی.
رادیویی او تلویزیونی پیغامونه، بیلبوردونه، ددې موضوعاتو په هکله علمی مقالې، د ښځو، ارشاد حج او اوقاف، له مخدره توکو سره مبارزي له وزارت سره همآهنګی ایجادول، یو له هغه بل راهکارونه وو چې په دې غونډه کې مطرح شول.
د اطلاعاتو او عامه اړیکو ریاست پلان لري چې د خلکو د پوهې د لوړولو په موخه د عامه پوهاوي برنامې په لاړه اچوی.
