د لوی څارنوالۍ د داخلي بودیجې د کمېټې د همغږي دویمه غونډه ترسره شوه
دا غونډه د لوی څارنوالۍ د مالي او اداري مرستیال وحید الدین ارغون په مشري په لاره واچول شوه. دا غونډه د دوشنبې په ورځ د غبرګولي میاشتې په ۲۹ مه نیټه د مالي او اداري مرستیال د کار په دفتر کې ترسره شوه. په دې غونډه کې مالي او اداري مشر، د بودیجې د ریاست کارکوونکو او د JSSP)) دفترهمکارانو هم ګډون کړی وو.
د تېري غونډې د پایلو د ارزونې وروسته، د ۱۳۹۷ ام لمریز کال د بودیجې د ترتیب په اړه په تفصیل سره خبرې وشوې .
د لوی څارنوالۍ مالي مرستیال وحید الدین ارغون د لویې څارنوالي د پرمختيايي پروژو د کار په ګړندیتوب ټینګار وکړ او ویې ویل:" د لویې څارنوالي د پراختيايي پروژو د داوطلبۍ پروسه باید د پراختيايي پروژو د شفافیت او د کار د کیفیت په خاطر د مختلفو او د اعتبار وړ ویب سایتونو او جریدو له لارې ترسره شي. "
د ښاغلې ارغون په باور، د مالي اواداري ریاست د تدارکاتو دفتر د دې ریاست یو د مهمو دفترونو څخه شمیرل کیږي. د نوموړي دفتر کارکوونکي باید د تدارکاتو قانون په صحیح توګه مطالعه او د تدارکاتو قانون سره سم خپلې دندې ترسره کړي.
د لوی څارنوالۍ مالي او اداري مرستیال د لویې څارنوالې د دویمو واحدونو د همغږي په اړه ټینګار وکړ. نوموړي زياته کړه:" د ولايتي همکارانو سره په پراختیایي پروګرامونو کې ښه همغږي او همکاري د بودیجې د کسر څخه مخنیوي کوي."
د لوی څارنوالۍ مالي او اداري مشر سید فرید حسنیار د څارنوالي د پروژو د بشپړه شفافیت په اړه ډاډ ورکړ او ویې ویل: " ټولې هغه پروژې چې داوطلبۍ ته سپارل کیږي، د معیاري سندونو له مخې د حکومت د اړوندو ارګانونو له خوا تصویب او شرکتونو ته سپارل کیږي." نوموړي د دې پروژو له بشپړه روڼوالي خبر ورکړ.
له بلې خوا، د لوی څارنوالۍ د تدارکاتو مشر خلیل الرحمن رحمانی په ولاياتو او د کابل په ولسوالیو کې د پرمختیايي پروژو د پرمختګ په اړه خبر ورکړ اوداسې یې وویل: د پنځو ولایتي پروژو لومړنۍ کارونه بشپړ شوي او ډیر ژر به داوطلبۍ ته وسپارل شي."
د نوموړي په وینا، د کابل ولایت په پنځو ولسوالیو کې د ودانیو د جوړلو کار په وروستي پړاوونو کې ځای لري. د دغه پڼځو پروژو څخه د دوو پروژو کار بشپړشوی او په نږدې راتلونکي کې به د لوي څارنوالۍ په واک کې ورکړل شي.
په همدې حال کې د لویې څارنوالي د (د ناولو اوبو د سیستم) د یو ځای کیدو په اړه خبرې وشوې . په پام کې نیول شوی چې په روان کال کې به دا سیستم په دې اداره کې فعال شي. د چارواکو په وینا، په دې ډول کولای شو د پنځه زره متره مکعبه اوبو څخه ګټه واخلو.
د غونډې په پای کې د (JSSP) دفتر یو تن کارکوونکي چې په لوی څارنوالۍ کې دنده ترسره کوي، د ۱۳۹۷ ام مالي کال د متحد المال لومړي موضوع یې د بودیجې د سکټور همکارانو ته په تفصیل وړاندې کړ.
