د جنډر، له ښځو سره د تاوتریخوالي د مخنیوي قانون او د بشري حقوقو د پوهاوي دوه ورځنی پروګرام وشو
د جنډر، له ښځو سره د تاوتریخوالي د مخنیوي قانون او د بشري حقوقو د پوهاوي دوه ورځنی پروګرام وشو
دغه پروګرام د لویې څارنوالۍ له ښځو د ملاتړ ریاست لخوا د ملګرو ملتونو پرمختیایي پروګرام(UNDP) په همکارۍ د د دغې ادارې د بېلابېلو ریاستونو ۲۱ کارکوونکو ته د ۱۳۹۹ لمریز کال د لیندۍ پر ۲۴ پیل شو.
د لویې څارنوالۍ له ښځو د ملاتړ رئیسې لیدا حیدري، د دغه پروګرام موخه د جنډر، له ښځو سره د تاوتریخوالي د مخنیوي قانون، د ښځو د ځورونې د مخنیوي کمیټې، جنډر ته د ځوابویونکې بودیجې د پوهاوي او دغې ادارې کې د ښځو عامې غوښتنې په ګوته کړه. نوموړې دغه پروګرام مهم وباله او زیاته یې کړه: «له پورتنیو موضوعاتو څخه د ګډونوالو د پوهاوۍ کچې لوړېدل، کولې شي په دغې ادارې کې ښځو ته ښه کاري فضا رامنځته کړي.»
اغلې حیدري جنډر ته د ځوابویونکې بودیجې، ښځو سره د تاوتریخوالي د مخنیوي قانون او لویې څارنوالۍ کې د ښځو د ځورونې د مخنیوي کمېټې په هکله هم خبرې وکړې او زیاته یې کړه، جنډر ته د ځوابویونکې بودیجې موخه د دغې ادارې ټولو برخو کې د ښځو بودیجوي اړتیاوې په پام کې نیسي. د نوموړې په خبره، هغه ښځينه کارکوونکې چې له ځورونې سره مخامېږي، کولی شي د دغې ادارې د ښځو د ځورونې د مخنیوي کمېټې ته مراجعه یا دې کمېټې کې خپل شکایت ثبت کړي، چې یاده کمېټه ورته رسیدګي وکړي.
د یادولو وړ ده، چې د لویې څارنوالۍ د ښځو د ملاتړ ریاست په مرکز او د ولایتونو د استیناف څارنوالیو کې د جنډر، له ښځو سره د تاوتریخوالي د مخنیوي قانون، د بشري حقوقو او د ښځو د ځورونې د مخنیوي کمېټې د پوهاوي په هکله بېلابېل روزنیز پروګرامونه جوړ کړي دي
