لویې څارنوالۍ د ۱۳۹۹ لمریز کال په سلواغې کې د عسکري جنايي جرمونو ۱۸۵ قضیو ته رسېدنه کړې
په دغو قضیو کې ۸ قضيې د قتل، ۲ د غلا، ۱ د اخلاقي جرمونو، ۸ د مالي او اداري جرمونو، ۱ د نشه يي توکو او ۱۶۶ هم د نورو جرایمو په تړاو دي.
د افغانستان اسلامي جمهوري دولت لویې څارنوالۍ د روان کال په سلواغې میاشت کې د عسکري چارو مرستیالۍ له لارې ۱۸۵ جنايي قضيې ثبت کړې دي، چې تر ټولو ډېرې قضيې د وظیفه يي غیابت، وهنې ټکونې او د وسلې د ورکې جرایم رانغاړي.
دا قضيې د اتهامنامو له ترتیب، اسنادو، شواهدو او د الزام د کافي دلایلو تر راټولولو وروسته محکمو ته استول شوې دي.
د یادو شویو قضیو له ډلې ۹۴ قضیو خپل محاکماتي مراحل بشپړ کړي او تورن يې په نقدي جزا او حبس محکوم شوي دي.
د دغو جرمي قضیو له ډلې، ۱۵۱ قضيې د تحقیقاتو د بشپړولو په موخه مسترد او اړوندو مراجعو ته لېږل شوې دي.
یاد شویو قضیو ته د رسېدنې په پایله کې دوه میلیونه، ۳۷۲ زره او ۶۰۳ قضيې د دولت قطعي حساب ته لېږل شوې دي او همداراز ۷۶ میله وسله هم د بېلابېلو قضیو له درکه ضبط شوې ده.
په دغو قضیو کې تر ټولو ډېرې پېښې په کابل، ننګرهار او پروان کې شوې دي.
