ننګرهار استیناف څارنوالۍ د ۱۴۰۰ مالي کال په دویمه ربع کې ۸۹۸ قضيې ثبت او رسېدنه ورته کړې
د ننګرهار استیناف څارنوالۍ ریاست ۸۹۸ قضیې د هېواد د نافذه قوانینو په رڼا کې ثبت او رسیدګي کړې دي.
په دغو قضیو کې ۲۲ قضيې د قتل، ۹۵ د غلا، پنځه د اخلاقي جرمونو، ۲۳۱ د نشه يي توکو، ۸۰ د ترافیکي جرمونو، ۱۱۳ د مالي او اداري جرمونو، ۱۸ له ښځو سره د تاوتریخوالي او ۲۲۰ هم د نورو متفرقه جرمونو په تړاو دي.
له دې ډلې ۲۹۴ قضیې د اتهامنامو له ترتیب وروسته ابتداییه محکمې ته او ۱۹۵ هم استیناف محکمې ته لېږل شوې دي، د ۱۲۶ قضيو محاکماتي پړاوونه بشپړ شوي، ۴۸ قضيې د الزام د کافی دلایلو د نشتوالي له کبله حفظ شوې، ۱۸۶ قضيې په محاکماتي پړاو کې دي او ۴۸ قضيې هم د رسیدګۍ واک د نه درلودلو له کبله اړوندو مراجعو ته لېږل شوې دي.
دغو قضیو ته د رسیدګۍ په پایله کې اووه موټرې، ۱۲۱ میله وسله، درې برچې، ۳۰ ګرامه هیرویین، ۶۷ ګرامه تریاک او ۱۴۵ کیلوګرامه چرس مصادره شوي دي.
همداراز یو میلیون او ۶۶۹ زره افغانۍ نقدي جریمه هم د دولت بانکي حساب ته لېږل شوې ده.
