د نظامي سکټور کمېټې د کورنیو چارو وزارت د امنیتي چارو له ستر معینیت سره ولیدل
د فرمانونو او حکمونو د تعقیب او نظارت لوی ریاست د نظامي سکټور کمیټې غړو چې مشري یې مولوی نجیبالله انوري کوله، د کورنیو چارو وزارت د امنیتي چارو ستر معینیت معاون لوی پاسوال محترم الحاج ملا عطاالله انوري سره تعارفي ناسته وکړه.
دا غونډه چې د ۱۴۴۴هـ.ق کال د شوال المکرم پر ۱۶ وشوه، د یاد وزارت چارواکو ته د ا.ا.ا مشرتابه ۳۲ ګڼې فرمان په تړاو اړین او هراړخیز معلومات وړاندې شول.
د ا.ا.ا مشرتابه ۳۲ ګڼه فرمان چې په دې وروستیو کې صادر شوی، د فرمانونو او حکمونو د تعقیب او نظارت لوی ریاست د دندو او واکونو په تړاو پکې معلومات وړاندې شوي دي.
د دې ناستو موخه د ا.ا.ا د مشرتابه د فرمانونو او حکمونو له پلیتابه ډاډ ترلاسه کول او په دې تړاو ټولو دولتي او غیردولتي ادارو ته معلومات ورکول دي.
بل خوا د کورنیو چارو وزارت چارواکو د فرمانونو او حکمونو لوی ریاست له جوړېدو خوښي څرګنده کړې او ډاډ یې ورکړی، چې د امیرالمومنین ټول فرمانونه او حکمونه به په ښه ډول عملي او په دې برخه کې به په هراړخیزه همکاري وکړي.
ياده دې وي، چې د ا.ا.ا مشرتابه د فرمانونو او حکمونو د تعقيب او نظارت لوی رياست ته دنده سپارلې، چې په مرکز او ولايتونو کې د بېلابېلو کمېټو په جوړولو سره په ملکي، نظامي او خصوصي سکټور کې د مشرتابه د فرمانونو او حکمونو د پلي کېدا څرنګوالی وڅاري او راپور يې مشرتابه ته وړاندې کړي.
په همدې موخه دغه لوی رياست په مرکز او ولايتونو کې د بېلابېلو کمېټو په جوړولو سره بېلابېلو سکټورونو لپاره کمېټې جوړې کړې دي او د فرمانونو او حکمونو د تعقيب لړۍ روانه ده.
