د معاملاتو د یوې برخې او د حضرت محمدﷺ د سیرت د لومړۍ برخې ازموینه واخیستل شوه
د فرمانونو او حکمونو د تعقیب او نظارت لوی ریاست د دعوت او ارشاد ریاست د دغې ادارې له کارکوونکو د معاملاتو له نهمې او لسمې برخې او همداراز د حضرت محمدﷺ د سیرت د لومړۍ برخې ازموینه واخیسته.
دا ازموینه د ۱۴۴۸ هـ.ق کال د ربیعالاول پر ۳۰ (د ۱۴۰۵ کال د وږي ۲۲) د دغې ادارې په دارالامان، تفتیش، شهرنو، صدارت څلورلارې، قصبه او بنايي ودانیو کې واخیستل شوه.
د دغې ازموینې پوښتنې د معاملاتو له نهمې او لسمې او د حضرت محمدﷺ د سیرت له لومړۍ برخې څخه راغلې وې.
د مسؤلانو په خبره، د دغې ازموینې پوښتنې په پښتو او دري ژبو برابرې شوې وې.
د ازموینې موخه له تدریس شویو موضوعاتو د کارکوونکو د پوهاوي کچې ارزونه ښودل شوې ده.
د یادونې ده چې د فرمانونو او حکمونو د تعقیب او نظارت لوی ریاست د دعوت او ارشاد ریاست له دې مخکې هم له تدریس شویو موضوعاتو د کارکوونکو د پوهاوي کچې د ارزولو په موخه ورته ازموینې اخیستې دي.
