د عدلي او قضايي مرکز استیناف محکمې د بادغیس ښاروال بري الذمه وباله
د اداري فساد له لویو جرمونو سره د مبارزې عدلي او قضایي مرکز استیناف محکمې د ۱۳۹۸ کال د لیندۍ پر ۱۳ د بادغیس ښاروال له واکه د ناوړه ګټې اخېستنې، تزویر او غدر په تور په علني ډول محاکمه کړ.
د یادې قضایي ناستې پلاوي، عبدالقدیر کامران د جزایي اجرااتو قانون د پنځمې او ۲۳۵ او د جزا کود د پنځمې مادې له مخې بري الذمه وباله.
د یادونې وړ ده، چې د اداري فساد له لویو جرمونو سره د مبارزې عدلي او قضایي مرکز ابتدایي محکمې هم عبدالقدیر کامران، د غدر او په اوو مواردو کې له واکه د ناوړه ګټې اخېستنې په تور د روان کال د لړم پر لومړۍ بري الذمه ګڼلی و.
