د لوی څارنوالۍ عالي شورا غونډه د هیواد لوی څارنوال څارنپوه محمد فرید حمیدي تر مشرۍ لاندی ترسره شوه
غونډه نن د ۱۳۹۵ کال کب د میاشتی په ۸ نیټه د لوی څارنوالۍ د معاونانو او عالي شورا غړو په حضور کی ترسره شوه. د دی غونډی په پیل کی د هغه مخابراتي وسایلو چې د تالاشي په جریان کی د بندیانو څخه لاس ته راځي په اړه د محبسونو او توقیف ځایونو عمومي ریاست وړاندیز تر بحث لاندی ونیول شو.
عالي شورا د تدقیق او مطالعاتو ریاست ته دنده وسپارله چې وړاندیز شوی متن دی د محبس او توقیف ځایونو قانون په پام کی نیولو سره د یاد ریاست د چارو د بهبود لپاره ترتیب کړي. د لوی څارنوالۍ عالي شورا د پریکړی پر اساس د محبس او توقیف ځایونو عمومي ریاست باید پخپله د عالي شورا غونډه ترسره کړي او پدی اړه دی پریکړه وکړي.
د غونډې په بله برخه کی د محبوسینو او محجوزینو د ورستي قضیو په اړه بحث ترسره شو. د احکامو د تنفیذ څارنوالۍ ریاست وړاندیز پر اساس د محبسونو امریت د جمهوري ریاست دعفوی او تخفیف د فرمانونو صادریدو څخه ورسته بی تفاوته کړي او په وخت یې د فرمان د تطبیق کمیسیون سره همکاري نده کړې .
عالي شورا پدی اړه پریکړه وکړه چې د عسکري، ملکي او ملي امنیت څارنوالیو استازو په شمول دی د تدقیق او مطالعاتو ریاست تر مشری لاندی یوه کميټه جوړه شي. یاده کمیټه به موظفه وي چې تنظیم شوي حل لارې د تحقیق وروسته د عالي شورا تصویب لپاره ولیږي.
د غونډې په پای کی د مخدره توکو شکمنو د قضیو په اړه چې قضیې یې وروستي پړاو ته رسیدلي د کابل ولایت استیناف څارنوالۍ ریاست وړاندیز په اړه بحث او خبرې وشوې . په وړاندیز کی یادونه شوی چې ځینی زندانیانو د حبس موده بشپړه کړي ولی د ازادی لپاره د ضمانت د ورکولو څخه ډډه کوي.
عالي شورا پریکړه وکړه چې په راتلونکي غونډه کی دی د ولایت استیناف رییس پدی اړه معلومات وړاندی کړي تر څو پدی اړه دقیق تصمیم ونیول شي.
"
