د نړیوالو جرمونو پر وړاندې د مبارزې څارنوالۍ د ریاست کارکوونکو ته د بشردوستۍ نړیوالو حقونو په اړه روزنیز پروګرام جوړ شو
دغه پروګرام د سرې میاشتې د نړیوالې کمېټې (ICRC) په همکارۍ، د نړیوالو جرمونو پر وړاندې د مبارزې څارنوالۍ ریاست له خوا د «بشردوستۍ نړیوالو حقونو» تر عنوان لاندې جوړ شو. دغه روزنیز پروګرام د ښځینه کارکوونکو په ګډون د یاد شوي ریاست ۲۵ کارکوونکو ته د باوري سرچینو او د نړیوالو حقونو د قواعدو د تطبیق ساحې د پېژندلو په اړه د ۱۳۹۸ کال د وري پر ۱۸ جوړ شو.
په دغه پروګرام کې د سرې میاشتې استازو د باوري سرچینو، د کورنیو او بهرنیو وسله والو دښمنیو اړوند د بشردوستۍ نړیوالو حقونو د تطبیق د ساحې او د افغانستان د ننه په وسله والو دښمنیو کې د قواعدو د نقض په صورت کې د باوري سرچېنو په اړه معلومات وړاندې کړل.
د سرې میاشتې د نړیوالې کمېټې کارکوونکو د ښونیزو، لڼدو او مستندو فلمونو تر نندارې وروسته د نړیوالو منل شویو اصولو له مخې، په هغه قواعدو او دښمنیو چې نقض پکې شوی بحث وکړ.
د نړیوالو جرمونو پر وړاندې د مبارزې څارنوالۍ رئیس محمد داوود افضلي د سرې میاشتې له نړیوالې کمېټې څخه چې د بشري حقونو د ملاتړ په برخه کې په بې پرې او خپلواکه توګه فعالیت کوي مننه وکړه.
له بلې خوا د یادې کمېټې حقوقي مشاورینو د دغه ریاست له فعاله کارکوونکو چې په دغه پروګرام کې یې ګډون کړی و مننه وکړه او ژمنه یې وکړه، چې په راتلونکو کې به هم د یادو شوي ریاست د کارکوونکو د ظرفیت لوړونې په موخه ورته پروګرامونه جوړ کړي.
