لویه څارنوالي کې د مور په شیدو د ماشوم د تغذيې نړیواله ورځ ونمانځل شوه

hdsadmin
چهارشنبه ۱۳۹۷/۵/۱۷ - ۱۴:۵۱
29

د لويې څارنوالۍ د جندر ریاست او د وړکتون آمریت د مور په شیدو د ماشوم د تغذیې نړيواله ورځ د ۱۳۹۷ کال د زمري پر ۱۷ ونمانځله. دا نمانځغونډه د دغې ادارې د مسلکي زده کړو انستیتیوت ریاست په تالار کې وشوه.

د نوموړې غونډې په پرانیسته کې د لویې څارنوالۍ د جنډر رئيسې لیدا حیدري د ماشوم لپاره د مور شیدې ګټورې وبللې. اغلې حیدري زیاته کړه: «هغه مهال موږ متمدنه ټولنه درلودلی شو، چې ماشومان له خپل ابتدايي حق چې د مور له شیدو څخه استفاده ده، ګټه پورته کړي او موږ د میندو په ملاتړ سره کولای شو، چې د ماشومانو دا ابتدايي حق ورادا کړو.»

اغلې حیدري د خپلو خبرو په دوام کې وویل، که دولتي او نادولتي ادارې د اميندوارۍ پر مهال د میندو ستونزو ته پام ونه کړي، دغه ناپامي به د ماشومانو د وچمورۍ سبب شي. اغلې حیدري په غونډه کې ګډونوالو مېرمنو ته ډاډ ورکړ، چې دا اداره د مېرمنو حقونو ته ژمنه ده او لا کوښښ کوي، چې په دغه اداره کې اميندوارو مېرمنو ته لازم سهولتونه برابر کړي.

د لويې څارنوالۍ د جنډر رئیسې له مېرمنو وغوښتل، چې د مور د شیدو د ګټو په اړه دې له امېندوارو میندو سره د پوهاوي په برخه کې مرسته وکړي.

د لويې څارنوالۍ د لوېديځ استیناف زون رئيسې پروین رحیمي هم د مور شیدو د ګټو د بیان تر څنګ وویل، چې د مور د شیدو له لارې د ماشوم او مور تر منځ عاطفي اړیکه ټینګېږي.

اغلې پروین همداراز زیاته کړه: «په نړۍ کې هر کال د مور د شیدو له لارې د ماشومانو تغذیه د ۸۲۰ زره ماشومانو د مړینې مخه نیسي.»

اغلې پروین له دولتي ادارو وغوښتل، چې د شیدو ورکوونکو میندو لپاره باید وړ شرایط چمتو کړي، چې میندې خپلو ماشومانو ته پر وخت شیدې ورکړای شي تر څو ماشومان روغ او سالم رالوی شي.

له دې سره سم د ۱۰۱ آسمايي زون قوماندانۍ مرستیالې پلوشې تلاش هم د مور شیدې د ماشوم د هډوکو د پياوړتیا لپاره ګټورې وبللې او زیاته یې کړه، چې ماشوم ته د مور شيدې ورکول میندې د سینې له سرطان څخه ژغوري.

د مور په شیدو د ماشوم د تغذیې نړیواله ورځ هر کال زمري پر لسمه (د اګسټ لومړۍ) د څه باندې ۲۵ کالو راهیسې په نړۍ کې نمانځل کېږي او موخه يې ماشوم ته د مور د شېدو ورکولو عامول دی.

تازه خبرونه

چهارشنبه ۱۴۰۳/۱۱/۳ - ۱۵:۹
Background image

د «اداري مراسلاتو او اداري اصولو» په اړه درې ورځنی روزنیز پروګرام پای ته ورسېد

د ا.ا.ا د فرمانونو او حکمونو د تعقیب او نظارت لوی ریاست د مسلکي زده‌کړو ریاست د دغې اداری ځینو کارکوونکو ته د «اداري مراسلاتو او اداري اصولو» تر سرلیک لاندې درې ورځنی سیمینار جوړ کړی و.. . .

یکشنبه ۱۴۰۳/۸/۱۳ - ۱۳:۴۵
Background image

د امر باالمعروف او نهی عن‌المنکر قانون د تشریح په تړاو ناسته جوړه شوه

د ا.ا.ا د امر باالمعروف، نهی عن‌المنکر او شکایتونو اورېدلو وزارت د فرمانونو او حکمونو د تعقیب او نظارت لوی ریاست کارکوونکو ته د دغه وزارت قانون د تشریح په اړه ناسته جوړه کړې وه. ‌. .

شنبه ۱۴۰۳/۷/۲۸ - ۹:۲۶
Background image

دوه کسان له افغانستانه متحده عربي اماراتو ته د ۴۱.۳۷۵ کیلوګرامه طلا د قاچاق په تور بري‌الذمه وپېژندل شول

بشیراحمد صدیقي د نصیراحمد زوی او محمدرفیع بها د غلام‌بهاالدین زوی چې په مخکېني حکومت کې د ۴۱.۳۷۵ کیلوګرامه سرو زرو (طلا) د قاچاق په تور محکوم شوي وو، د ا.ا.ا سترې محکمې له خوا بري‌الذمه. . .

BACK TO NEWS