دقیقه اطلاع رسونه کولای شي د عدلي او قضایي دستګاه په اړه د خلکو د اعتماد کچه لوړه کړي
دا هغه موضوع وه چې د افغانستان لوی څارنوال څارنپوه محمد فرید حمیدي د لویې څارنوالۍ په مشورتي غونډه کې د رسنیو سره شریکه کړه. دا برنامه د چهار شنبې په ورځ چې د روان کال سلواغې د میاشتې ۱۳ نیټې سره سمون لري د مسلکي زدکړو انسټیټیوت په تالار کې ترسره شوه. د هیواد لوی څارنوال د رسنیو استازو او د لوی څارنوالۍ ځینِي مسوولینو پدې پروګرام کې ګډون کړی وو.
د بیان ازادۍ او مطبوعاتو(خپرونو) څخه ملاتړ
د افغانستان لوی څارنوال څارنپوه محمد فرید حمیدي د قانون په تطبیق کی د رسنیو رول ارزښت لرونکی وباله. د هغه په باور رسنۍ د عدلي او قضایي نهادونو لپاره په افغانستان کی یو ډاډمن مټ دی. ښاغلي حمیدي په ټول افغانستان کې د ستونزمنو شرایطو کی د خبریالانو کار د عدالت د تامین لپاره هڅې وبللې. هغه د بیان ازادۍ ته په اشارې سره وویل " زه د دې ادارې د مسوول ــ د قانون د تطبیقوونکي نهاد په حیث د ررسنیو د مقام او حقونو څخه ملاتړ کوم. "
باخبره ښاریان
ښاغلي حمیدي د عدالت تأمین او په پوهاوي ورکونه کی د رسنیو رول ارزښت لرونکی وباله. د هیواد د لوی څارنوال په باور ښاریانو ته د حقوقي پوهاوي ورکونه کولای شي د قانون په تطبیق ښه اغیزه ولري، خلک د قانون پر بنسټ معلوماتو ته د لاس رسي لرلو حق لري:" د قانون حاکمیت یواځی د عدلي او قضایي د ستګاه په شتون کی امکان لري. "
لوی څارنوال د فاسدو هیوادونو د نوم لړ څخه د افغانستان د نوم د لری کیدو (حذف کیدل) د رسنیو هڅو پایله و بلله. هغه پدی اړه وویل: "د نوم لړ څخه د افغانستان د نوم د لری کیدو یو لامل د رسنیو لخوا د علني محاکمو خپریدل دي. "
د خبریالانو امنیت
د خبریالانو سره د تاوتریخوالي د پیښو څیړنه بله موضوع وه چه د هیواد لوی څارنوال مطرح کړه. د ښاغلي حمیدي په اند د تاوتریخوالي هغه پیښی چه پخوا د خبریالانو په حق کی شوي څیړل کیږي. لویه څارنوالي به د خبریالانو د مصونیت کمیټی سره د ګډ کار پایلې د رسنیو سره شریکې کړي. هغه زیاته کړه: " مونږ به د قضیو د تورنو سره د قاطعیت سره د قانون مطابق رسیدګي وکړو. "
د لوی څارنوال ویاند جمشید رسولي، د رسنیو سره د معلوماتو رسونې لپاره د دقیقې همغږۍ رامنځ ته کول ددی برنامی مهم هدف وباله. د لوی څارنوالۍ دندې او صلاحیتونو پیژندل، د جرمونو د ډولونو پیژندل، د تورن ، مظنون او مجرم حقونه، د شکمنو، تورنو حقونو ته پام سره د لوی څارنوالۍ د اجراآتو په اړه د معلوماتو شریکول، او اطلاعاتو ته د لاس رسي او احتیاطي تدابیرو قانون دهغه مواردو څخه وو چې ښاغلي رسولي ددی برنامې د نورو اهدافو څخه وبلل. هغه پدی اړه وویل: "ځینی وخت د اطلاع رسونې په پروسه کی قانوني محدودیتونه شتون لري. مونږ باید د داسی موضوعګانو سره په داسی ډول سروکار ولرو چی له یو پلوه اطلاعاتو ته د لاس رسي د حق قانو رعایت شي او له بل پلوه د تورن حقونه هم په نظر کی ولرو. "
د انساني کرامت ژغورنه
د لویې څارنوالۍ د مسلکي زدکړو انسټیټیوټ رییس داکتر غلام حیدر علامه، پدی برنامه کی د تورنو د شکمنو، د حقونو او اطلاع رسونۍ په اړه خبرې وکړې او وویل: " د رسنیو او لوی څارنوالۍ غوښتنې باید د قانون په چوکاټ کی مطرح شي. د انساني کرامت ژغورنه د لوی څارنوالۍ د ندو د جملی څخه ده. رسنۍ هم باید دا حق رعایت کړي."
د وګړو ټولنیز حیثیت ته پاملرنه
دا هغه موضوع وه چې د اداري فساد پر وړاندی د مبارزې ریاست مطرح کړه. د هغه په باور د اطلاع رسونې پر مهال باید د افرادو حیثیت په پام کی ونیول شي. د ښځو پر وړاندی د تاوتریخوالي قضیی، د داخلي او خارجي امنیت پر وړاندی جرمونه، د اداري فساد جرمونه او سازمان شوي جرمونه هغه موارد دي چی په اړه یی اطلاع رسونه کولای شی د تحقیق په پروسه کی ستونزې پیدا کړي، هغه زیاته کړه: " پدی موضوعګانو کی باید د افرادو حیثیت په پام کی ونیول شي. د بیلګې په توګه د تاوتریخوالي قضیې ، په مستقیمه توګه د یوې کورنۍ د ټولنیز مقام سره تړاو لري. د وخت څخه د مخه اطلاع رسونه پدې اړه کولای شي د کورنیو ابرو په خطر کې واچوي.
د دې څخه دمخه د رسنیو او مدني ټولنې استازي د لویې څارنوالۍ عالي شورا ته بلل شوي وو. خپل ډول کې دا لمړۍ ځل وو چې د لویې څارنوالۍ مشورتي ناسته د رسنيو سره ترسره کیږي.
"
